Gjashtë shqiptarët e arrestuar në Angli

Një bandë kriminale shqiptarësh në Angli është goditur ditën e sotme, pasi policia gjurmoi kanabisin në njërën nga makinat e tyre.

Oficerët gjurmuan makinën nga North Yorkshire në Hertfordshire, ku gjetën kanabisin me vlerë 300,000 paund.

Në fermat e kanabisit të ngritura në tre shtëpi në Harrogate të North Yorkshire u gjet kanabis me vlerë 240,000 paund.

Gjashtë persona janë burgosur në Leeds Crown Court pasi u deklaruan fajtorë për prodhimin e kanabisit.

Yoko Banks, 73 vjeç, pronarja e fermës që ata përdorën, gjithashtu përfundoi në burg.

Pas gjetjes së kanabisit në këto vende, policia u vu në kërkim të banesave të tjera në pronësi të Banks.

Dy ferma të tjera të kanabisit në Woodlands Road dhe Somerset Road u zbuluan.

Policia e North Yorkshire tha se shtëpitë ia ishin dhënë me qira një pale të tretë, e cila më pas i kishte lënë ato në kontrollin e bandës.

Ata morën dënimin një ditë më parë në Angli.

Kreu i bandës Visar Sellaj, 33 vjeç, nga Newnham Road, Londër u burgos për gjashtë vjet e nëntë muaj.

Kujtim Brahaj, 50 vjeç, nga Wellington Road, Enfield, u burgos për tre vjet e dy muaj.

Indrit Brahaj, 27 vjeç, nga WShitings Road, Barnet u burgos për katër vjet e katër muaj.

Bledar Elezaj, 36 vjeç, pa adresë fikse, u burgos për tre vjet.

Erblin Elezaj, 33 vjeç, gjithashtu pa adresë të caktuar, u burgos për pesë vjet e dy muaj.

Andi Kokaj, 23 vjeç, pa adresë fikse, u burgos për tre vjet.

Të gjashtë u deklaruan fajtorë për shqetësim në prodhimin e kanabisit dhe Indrit Brahaj, Kokaj, Sellaj dhe Erblin Elezaj gjithashtu u deklaruan fajtorë për posedim kanabisi me qëllim furnizimi.

Ndërsa Banks u dënua me tre vite e gjashtë muaj burg.

FOTO GALERI
1/3

Top Channel