Një drejtues mjeti është vënë në pranga, pasi është konstatuar se ka shkelur rregullat e qarkullimit rrugor dhe është larguar nga vendi i aksidentit.
Policia njofton se i arrestuari është një 63-vjeçar, banues në fshatin Trestenik, Devoll,
“Shtetasi I.H duke drejtuar mjetin tip “Ford”, ka humbur kontrollin e mjetit, ka dalë nga rruga dhe më pas është larguar nga vendi i aksidentit. Për pasojë kanë marrë lëndime 4 pasagjerë që ndodheshin në këtë mjet, të cilët morën mjekim në Spitalin e Bilishtit dhe ndodhen jashtë rrezikut për jetën”, bën me dije policia.
Materialet i kaluan Prokurorisë së Rrethit Gjyqësor Korçë, për veprime të mëtejshme.
Top Channel
