Tentoi të digjte banesën e kushëririt me bombol gazi, pranga 58-vjeçarit në Shkodër
06/08/2021 12:10
Ra nga vinçi teksa punonte, humb jetën punonjësi i Bashkisë së Elbasanit 19/04 16:48
Një 58-vjeçar është vënë nën prangat e policisë, pasi tentoi ti vinte flakën banesës së kushëririt.
Ngjarja është shtënuar në qytetin e Shkodrës, ku 58-vjeçari për motive të dobëta, me anë të një bombole gazi ka tentuar të djegë shtëpinë e kushëririt të tij.
Fatmirësisht në banesë janë shkaktuar vetëm disa dëme të vogla materiale.
“Nga specialistët për Hetimin e Krimit në Komisariatin e Policisë Shkodër u bë arrestimi në flagrancë i shtetasit K. P., 58 vjeç, banues në Shkodër, pasi dyshohet se për motive të dobëta, me anë të një bombole gazi, ka tentuar të djegë shtëpinë e kushëririt të tij, shtetasit P. P., banues në Shkodër. Nga veprimet paraprake ka rezultuar se në banesë janë shkaktuar vetëm disa dëme të vogla materiale”, thuhet në njoftimin e policisë.
Materialet u referuan në Prokurorinë pranë Gjykatës së Shkallës së Parë Shkodër, për veprën penale “Shkatërrimi i pronës me zjarr”.
Top Channel
