“Dua të bëj marrëveshje me Iranin”, Trump paralajmëron: Nëse vazhdon të sulmojë fqinjët, do detyrohem të… 13/05 19:14
Australianët që jetojnë jashtë shtetit mund të “bllokohen” në vend nëse kthehen, pasi qeveria forcoi rregullat e saj kufitare pa paralajmërim.
Që nga marsi i vitit të kaluar, vendi i ka ndaluar qytetarët e tij të largohen si pjesë e strategjisë së tij për të luftuar Covid.
Por ky kufizim nuk ishte aplikuar më parë për australianët që zakonisht jetojnë në vende të tjera.
E megjithatë, ata tani do të duhet të aplikojnë për leje të posaçme për udhëtimet jashtë vendit – në përputhje me rregullat për australianët e tjerë.
Rregullat e ashpra të Australisë kanë qenë të diskutueshme, ndërsa qytetarët atje kanë shpërthyer në protesta.
Kritikët thonë se ky ndryshim – që do të hyjë në fuqi nga 11 gushti – do të ndëshkojë më tej familjet dhe do t’i pengojë qytetarët të kthehen.
Një qytetare nga Melburn, i cili tashmë po përjeton mbylljen e gjashtë si pasojë e infektimeve në rritje, tha se po e përjetojnë tmerrësisht keq këtë situatë.
“Po filloj të ndihem keq, kjo më ka goditur më shumë se çdo bllokim tjetër. Nuk e kam parë familjen time për një kohë shumë të gjatë.”
Qeveria tha se masa synonte të zvogëlonte rrezikun e rasteve të Covid që hynin në vend, pasi po përballet me shpërthimet më të këqija në një vit nga covid, si pasojë e variantit delta .
Top Channel
