Policia e Himarës ka vënë në pranga ka rënë një person, si dhe është proceduar penalisht një tjetër.
Policia njofton se në pranga ka rënë një 22-vjeçare, pasi në Dhërmi i është gjetur dhe sekuestruar një sasi lënde narkotike të dyshuar cannabis sativa dhe një armë të ftohtë (thikë).
“Specialistët për Hetimin e Narkotikëve dhe Trafiqeve të Paligjshme, në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike dhe mbajtjes pa leje të armëve të ftohta, arrestuan në flagrancë shtetasin: R. Sh, 22 vjeç, banues në Tiranë.
Arrestimi i tij u bë pasi, në Dhërmi, Himarë, gjatë kontrollit fizik të ushtruar ndaj tij, shërbimet e Policisë gjetën dhe sekuestruan në cilësinë e provës materiale një sasi lënde narkotike të dyshuar cannabis sativa dhe një armë të ftohtë (thikë)”, njofton policia.
Po ashtu është proceduar penalisht edhe një 23-vjeçar pasi i është gjetur dhe sekuestruar një sasi lënde narkotike të dyshuar kokainë.
“Po nga specialistët për Hetimin e Narkotikëve dhe Trafiqeve të Paligjshme u procedua në gjendje të lirë shtetasi E. L., 23 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan një sasi lënde narkotike të dyshuar kokainë”, bën me dije policia.
Materialet në ngarkim të tyre i kaluan Prokurorisë së Rrethit Gjyqësor Vlorë, për veprat penale “Prodhimi, mbajtja, blerja apo shitja pa leje e armëve të ftohta” dhe “Prodhimi dhe shitja e lëndëve narkotike”.
Top Channel
