Prokurori Besim Hajdarmataj është shkarkuar sot nga detyra. Pak muaj më parë ai morri konfirmimin nga shkalla e parë e vettingut por në kolegjin e apelimit të treja aspektet e kontrollit dolën negative.
Kolegji gjykoi që prokurori i Tiranës Hajdarmataj nuk ka justifikuar burimet dhe shpenzimet e tij tejkalojnë të ardhurat e ligjshme. Por një notë shumë negative ju vendos atij në anët profesionale duke thënë se ai nuk e njeh mirë ligjin.
Ndërkohë që në një dosje hetimore për trafik ndërkombëtar droge ai ka ndikuar negativisht që hetimi të zvarritet duke treguar mosnjohje të procedurave ligjore. Si prokuror i krimeve të rënda ka shpallur moskompetencë dhe dosja e trafikut të drogës i ka kaluar prokurorisë së Durrësit
Prokurorit ju gjetën edhe lidhje kriminale. Për të gjitha këto mangësi, kolegji i apelimit vendosi shkarkimin nga detyra të prokurorit.
Top Channel
