Varianti Delta i COVID-19, i cili është shumë i transmetueshëm ka sjellë rritje të ndjeshme të rasteve të reja në vendin tonë, ku vetëm në 24 orë janë infektuar 99 qytetarë.
Nga 3,599 testime të kryera kanë rezultuar pozitivë me Covid19, 99 qytetarë, në këto bashki: 26 raste në Tiranë, 12 raste në Elbasan, 8 raste Vau i Dejës, 7 raste në Shkodër, Kuçovë, 5 raste në Vlorë, 4 raste në Durrës, Berat, Kamëz, Malësi e Madhe, 3 raste në Krujë, 2 raste në Fier, Kavaj, Lushnje, Dimal, Sarandë, 1 rast në Korçë, Lezhë, Librazhd, Konispol, Gjirokastër.
Aktualisht janë 539 pacientë aktivë me COVID19 në të gjithë vendin, ndërsa në Spitalin Infektiv po marrin trajtim 23 pacientë.
Në 24 orët e fundit nuk ka asnjë humbje jete me Sars-Cov2 pozitiv, ndërsa janë shëruar 23 qytetarë, duke e çuar numrin e të shëruarve në 130,314 që nga fillimi i epidemisë.
Ministria e Shëndetësisë bën thirrje që të gjithë qytetarët mbi 18 vjeç të vaksinohen, pasi është mënyra më e mirë për t’u mbrojtur nga covid.
“Muaji Gusht do të jetë i hapur për vaksinimit antiCOVID për çdo qytetar +18 vjeç, ndaj Ministria e Shëndetësisë i bën apel qytetarëve të vaksinohen sa në parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
Vaksinat antiCovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, shkruan ministria.
Nga 914,746 testime të kryera që nga fillimi i pandemisë së covid kanë rezultuar pozitivë 133,310 qytetarë. Fatkeqësisht kanë humbur jetën 2,457 prej tyre duke mos fituar betejën me armikun e padukshëm.
Statistika (04 Gusht 2021)
Raste të reja ditore 99
Të shëruar në 24 orë 23
Të shtruar në spitale 23
Humbje jete në 24 orë 0
Testime ditore 3,599
Testime totale 914,746
Raste pozitive 133,310
Raste të shëruara 130,314
Raste Aktive 539
Humbje jete 2,457
Shpërndarja gjeografike e rasteve aktive sipas qarqeve:
Tiranë 200
Elbasan 75
Shkodër 57
Vlorë 50
Berat 35
Lezhë 34
Fier 29
Kukës 24
Durrës 17
Korçë 11
Gjirokastër 7
Top Channel
