Policia e Matit ka vënë në pranga poseduesin e armës, si pasojë e së cilës një 13-vjeçar, ditën e djeshme, humbi edhe jetën.
Po ashtu bëhet e ditur se janë sekuestruar cilësinë e provës materiale arma e zjarrit pushkë dhe një sasi municioni luftarak.
“Në vijim të veprimeve për dokumentimin e ngjarjes së ndodhur në orët e para të mëngjesit datë 30.07.2021, ku në një stan në malin ‘Skëndërbeg’, aksidentalisht dyshohet se u vetëvra me armë zjarri shtetasi R.K., 13 vjeç, specialistët për Hetimin e Krimit në Komisariatin e Policisë Mat, arrestuan në flagrancë shtetasin : P.S., 47 vjeç, banues në Kurbin (poseduesi i armës së zjarrit pushkë me të cilën dyshohet se është vetëvrarë 13-vjeçari.)”, njofton policia.
Si ndodhi ngjarja?
Mësohet se viktima bashkë me tre fëmijë të tjerë kanë qenë duke kullotur bagëtitë në mal, e atje kanë gjetur armën.
Raportohet se ata kanë dërguar bagëtitë në stan e kanë nisur të luajnë me armën e gjetur, që për fat të keq, ka qenë e mbushur.
Dyshohet se i mituri ka shkrepur vetë armën dhe si pasojë nuk ka mundur t’i mbijetojë plagëve të marra, duke ndërruar jetë në vend.
Shërbimet e policisë janë njoftuar rreth orës 12 të natës, ndërsa shërbimet kanë arritur në 6 të mëngjesit për shkak të largësisë.
Top Channel
