Një 59-vjeçar ka ndërruar jetë mëngjesin e sotëm në Vlorë, pasi dyshohet se ka rënë në kontakt me rrymën elektrike kur po rregullonte vetë disa tela të këputur në shtëpi.
Ngjarja ka ndodhur rreth orës 09:50, në vendin e quajtur “Ish Uzina e Llampave”.
Punimi në kabujt elektrikë, pa kontaktuar një specialist, rezultoi fatale për shtetasin me iniciale Y.B.
Njoftimi i policisë:
Rreth orës 09:50, në vendin e quajtur “Ish Uzina e Llampave”, shtetasi Y. B., 59 vjeç, duke tentuar të rilidhë disa kabllo elektrike të këputura, në oborrin e banesës së tij, dyshohet se ka rënë në kontakt me rrymën elektrike dhe për pasojë ka ndërruar jetë.
Grupi hetimor ndodhet në vendngjarje dhe po punon për përcaktimin e rrethanave të ngjarjes.
Top Channel
