Po lahej me familjarët në lumin Buna, humb jetën vajza e mitur
27/07/2021 16:20
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Një ngjarje e rëndë është shënuar në Shkodër mesditën e kësaj të marte.
Një vajzë e mitur 13-vjeçe, me inicialet Z.L., është mbytur në ujërat e lumit Buna, në afërsi të fshatit Oblikë, të njësinë Ana e Malit.
Burime për Top Channel bëjnë me dije se, para se të ndodhte tragjedia 13-vjeçarja po lahej së bashku me familjarët e saj, por fatkeqësisht nuk arriti dot të dalë e gjallë në breg.
Policia ka mbërritur menjëherë në vendngjarje për të bërë sqarimin e plotë të rrethanave të kësaj ngjarje të rëndë.
Shkodër/ Informacion paraprak
Më datë 27.07.2021, rreth orës 15:45, në lumin Buna, në vendin e quajtur fshati Zues, Shkodër, është mbytur duke u larë në lumë, shtetasja Z. L., 13 vjeçe, banuese në Oblikë, Shkodër.
Grupi hetimor vijon punën për sqarimin e rrethanave të kësaj ngjarjeje.
Top Channel
