Kryeministri Kurti udhëton drejt Kroacisë, do të vizitojë të lënduarit në spital
25/07/2021 15:11
Protesta e opozitës para Bashkisë së Tiranës, Ambasada Italiane: Dhuna nuk është në asnjë mënyrë e justifikueshme 19/04 15:47
Kryeministri i Kosovës, Albin Kurti do të udhëtojë drejt Kroacisë pas aksidentit tragjik të autobusit me emigrantët ku humbën jetën nëntë prej tyre së bashku me njërin prej shoferëve.
Kryeministri kroat, Andrej Plenkoviq ka konfirmuar se do të takohet me kryeministrin kosovar në Slavonski Brod, aty ku humbën jetën dhjetë persona ndërsa dhjetëra janë lënduar.
I pari i qeverisë dhe homologu kroat do të takohen rreth orës 18:00 të ditës së sotme, raporton index.hr.
Dy liderët më pas do të vizitojë spitalin ku po trajtohen pasagjerët e plagosur dhe pritet të mbajnë konferencë për shtyp.
Ndërkohë, Kurti më parë ka konfirmuar se drejt shtetit kroat ka udhëtuar edhe ministri i punëve të brendshme, Xhelal Sveçla.
Ndryshe, tashmë shoferi i mbijetuar ka pranuar para një zëvendësprokurori se para aksidentit tragjik në një moment e kishte zënë gjumi.
Top Channel
