Ambasadori i Kosovës në spitalin kroat, jep detaje për TCH: 10 viktima të konfirmuara, 8 janë në gjendje të rëndë
25/07/2021 12:12
Televotimi me rezultatin më të ngushtë në BBV! Kush është më i preferuari mes Julit dhe Eglës 24/04 00:17
Ambasadori Gezim Kasapolli
Ambasadori i Kosovës në Zagreb Gëzim Kasapolli në një lidhje telefonike për Top Channel dha më shumë detaje rreth aksidentit të rëndë që ndodhi në Kroaci ku 10 qytetarë nga Kosova humbën jetën.
Kasapolli tha për Top Channel se ai ndodhej në spitalin rajonal të Slavonski Brod dhe tha se konfirmohen 10 viktima, ndërsa veçoi se 8 qytetarë ishin rëndë, 4 prej të cilëve i ishin nënshtruar dhe operacionit.
“Unë tani jam në vendngjarje dhe jam në spitalin rajonal, dhe me grupin që po merret me kete fatkeqësi, konfirmojmë 10 viktima dhe 8 që janë në gjendje rëndë, nga të cilët 4 kanë bërë operacion dhe 44 të tjerë të plagosu. Deri më tani ende nuk kemi një konfirmim zyrtar për shkaqet e aksidentit”, tha ai për Top Channel.
I pyetur për shtetësinë e pasagjerëve, Kasapolli tha se ata janë të gjithë shtetas kosovar që punojnë dhe jetojnë në Gjermani.
“Nga 69 pasagjerë sa kanë qenë të gjithë kanë qenë bashkëatdhetarë që janë nisur nga Frankfurti. Sa për identifikimin e viktimave është në proces i sipër dhe sa të kemi një info për emrat do të përcjellim”, tha ai.
Top Channel
