SPAK verifikim “tenderave në Fier”/ Kërkon Informacion nga deputeti Petro Koçi, kush janë mafiozët?
22/07/2021 19:30
U vuri zjarrin mbeturinave, por i del jashtë kontrollit, flakët përfshijnë banesën në Fier 10/05 21:08
SPAK, prokuroria kundër korrupsionit dhe krimit të organizuar ka marrë në pyetje deputetin e sapo zgjedhur socialist Petro Koçi.
Arsyeja e bisedës informative është sepse SPAK konfirmohet zyrtarisht se ka nisur verifikimet pas akuzës së socialistit Petro Koçi se në Fier, tenderat dhe prokurimet publike i merr krimi i organizuar.
Pak ditë më parë Koci, ftoi SPAK në Fier sepse sipas tij duart e krimit janë shtrirë mbi financat publike.
Protagonistë të trafikut të drogës dhe të dhunës tashmë kanë legalizuar subjekte biznesi që fitojnë tendera publikë.
Petro Koçi deklaronte se këtë e realizojnë ose nëpërmjet lidhjeve të drejtpërdrejta me ndonjë titullar institucionesh ose nëpërmjet kërcënimit të zyrtarëve të caktuar që ekzekutojnë prokurimet si edhe nëpërmjet eleminimit të konkurrentëve në procesin e tenderimit duke kërcënuar pronarët e subjekteve të biznesit.
Të fuqizuar sidomos duke larë paratë e pista në industrinë e ndërtimit ata vazhdojnë të përvetësojnë fitime kolosale nga taksat tona. Këtë të enjte në një qëndrim me deputetin socialist ishte edhe deputeti demokrat Luan Baçi i cili kërkon që SPAK të zbresë në Fier.
Deputeti demokrat akuzon kryebashkiakun por edhe drejtuesit e kompanive shtetërore të naftës në fier. Të pyetur për këtë çështje drejtuesit e SPAK thonë se kanë nisur verifikimin pas deklarimeve publike të Petro Koçit dhe se veprimet deri më tani mbahen sekret.
Por duket se hapi i parë i SPAK ka qenë biseda konkrete me akuzuesin, socialistin Petro Koçi.
Top Channel
