Një ngjarje e rëndë është shënuar këtë të enjte në fshatin Moravë të Beratit.
Sipas njoftimit të dhënë nga policia mësohet se një i mitur është mbytur gjatë kohës që ka qenë duke u larë në lumin Osum.
Trupi i pajetë i viktimës, shtetasit N.P., 7-vjeç është nxjerrë nga policia dhe banorët e fshatit.
“Në fshatin Moravë, në lumin Osum, shtetasi N. P., 7 vjeç, është mbytur gjatë kohës që ka qenë duke u larë në këtë lumë. Punonjësit e Policisë, bashkë me banorët e fshatit, pasi kontrolluan në lumë, gjetën dhe nxorën trupin e pajetë”, njofton policia.
Ndërkohë, grupi hetimor po punon për sqarimin e rrethanave të ngjarjes.
Top Channel
