Kosovë, fermerët prodhuan më pak/ Ekspertët fajësojnë temperaturat shumë të larta
17/07/2021 19:58
Vrau 14 vjeçaren dhe një të moshuar, ekstradohet nga Turqia i dyshuari kryesor për ngjarjen që tronditi Shkupin 15/05 21:32
Rendimenti më i lart që shënoi gruri vitin e kaluar, shtyu bujqit që në vjeshtë, të mbjellin pesë mijë hektar tokë më tepër.
Por, pritjet e bujqve nuk po përmbushen, pasi rendimenti po del të jetë më i ulët se vitin paraprak.
Sipas të dhënave të para, rendimenti është nga katër mijë deri në katër mijë e treqind kilogram për hektar.
Drejtuesit e Departamentit për Politika Bujqësore në Ministrinë e Bujqësisë, thonë se temperaturat e larta që kanë shënuar në fazën e pjekjes kanë ndikuar në rendiment.
Kjo sasi e grurit pritet t’i përmbush më pak se 70 përqind të nevojave të tregut.
Ndër vite, sipërfaqja e mbjellë me grurë ka shënuar rënie, krejt kjo për shkak të çmimit jo të favorshëm në treg, si pasojë e importit nga rajoni.
Me qëllim të rritjes së kapaciteteve, ministria i subvencionon bujqit me 150 euro për hektar.
Vitin e kaluar janë subvencionuar rreth 11 mijë bujq, të cilët kishin të mbjellë grurë në sipërfaqe prej 47 mijë hektarësh.
Top Channel
