Balla prezanton në Komisionin e Ligjeve 6 risitë e propozimeve ligjore për sistemin e adresave dhe Gjendjen Civile: Masa shtesë për mosdeklarimin e vendbanimit 03/05 14:01
Ministrja e Financave Anila Denaj nga foltorja e Kuvendit ka argumentuar sërish ndryshimet në ligjin organik të buxhetit dhe ndryshimin e buxhetit të shtetit.
Denaj tha se ndryshimet në ligjin “Për menaxhimin e sistemit buxhetor në Republikën e Shqipërisë“ vijnë si nevojë për të garantuar hapësira fiskale për të bizneset e qytetarët.
“Qeveria Shqiptare është detyruar të bëjë një sërë ndryshimesh në parashikimet buxhetore dhe makroekonomike, duke krijuar hapësirën e nevojshme fiskale për mbështetjen ndaj qytetarëve dhe bizneseve në vitin 2021. Nevoja për ndryshime ka si objektiv primar ofrimin e stimujve të nevojshëm fiskalë në krahun e shpenzimeve buxhetore për rimëkëmbjen e ekonomisë së vendit si pasojë e dy goditjeve të njëpasnjëshme. Vlerësimet aktuale të situatës makroekonomike dhe fiskale për vitin 2021 si dhe për periudhën 2022-2024, tregojnë se, një stimul i mëtejshëm fiskal nga ana e shpenzimeve buxhetore do të ishte garanci për nivele më të larta e të qëndrueshme të rritjes ekonomike në afatmesëm dhe afatgjatë. Kjo do të ofronte: Punësim e mirëqenie për qytetarët e vendit dhe më shumë burime financiare për shërbime publike”, tha ministrja Denaj.
Top Channel
