VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Etrit Berisha mund të konsiderohet tashmë një lojtar i Torinos. Numri 1 i përfaqësueses shqiptare ka mbërritur në qytetin kryesor të Piementos dhe ka zhvilluar vizitat mjekësore, një ritual që i paraprin firmës mbi kontratë.
32-vjeçari nga Prishtina kishte edhe një vit kontratë me Spalin, por presidenti i “demave” gjeti gjuhën e përbashkët me drejtuesit bardhekaltër për ta afruar menjëherë gardianin kuqezi tek klubi torinez pa paguar asgjë, teksa klubi nga Ferrara do të heqë barrën e pagës vjetore të portierit.
Me Torinon Berisha do të ketë një kontratë që do ta mbaj të lidhur me këtë klub deri ën vitin 2023. Berisha prite të marrë vendin e Salvatore Sirigut dhe ka shumë gjasa që të jetë titullar tek Toro, duke qenë që portieri i përfaqësueses italiane nuk ka një marrëdhënie të mirë me drejtuesit e tifozët, dhe ka shprehur dëshirën për t’u larguar edhe pse ka edhe një vit kontratë me klubin.
Ndërkohë gardiani i përfaqësueses sonë rikthehet në këtë mënyrë në Serinë A pas një edicioni në Serinë B. Berisha ka luajtur në nivelin maksimal të futbollit italian edhe me fanellat e Lazios, Atalantës, por edhe Spalit. Portieri numëron 139 paraqitje në Serinë A dhe do të jetë një garanci më shumë për trajnerin e sapoardhur Ivan Juric./SuperSport/
Top Channel
