Hormuzi fillon të hapet nga Irani, një tjetër anije turke kalon mes Ngushticës 04/04 10:19
Të ashtuquajturit “teoristë konspiracioni” kanë shpërndarë së fundmi në rrjetet sociale komente “të paverifikuara” që pretendojnë se pionieri i antivirusëve kompjuterikë John McAfee, ruante provat e korrupsionit të qeverisë së SHBA ndërtesën e shembjes katastrofike në plazhin e Miami.
McAfee, milioneri 75-vjeçar rebel u gjet i vdekur një javë më parë në qelinë e tij të burgut Brians 2, në Barcelonë të Spanjës.
Sipas disa teorive që qarkullojnë në rrjetet sociale shembja tragjike e ndërtesës së apartamenteve në Miami, Florida, ku deri tani janë konfirmuar 10 të vdekur dhe më shumë se 150 janë të humbur, ka lidhje me vdekjen e McAfee.
Mes pamjeve që qarkullojnë në internet është që pretendon se është një koment i 8 qershorit nga llogaria e McAfee në Twitter ku thuhet: “Nëse mua më ndodh diçka, dijeni se 31 TerraByte me të dhëna kompromentuese gjenden në hard-disqet e apartamentit tim në adresën në Rruga 88th Street, dhe në Collins Avenue, në veri të plazhit Miami Beach.”
Pas kërkimeve, një koment i tillë nuk është gjetur në faqen e McAfee në Twitter prandaj nuk mund të provohet vërtetësia e tij.
Komenti i supozuar ka bërë që grupe skeptikësh apo siç njihen tashmë “teoristë konspiracioni” të pretendojnë se të dhënat me të cilat McAfee kërcënonte të ekzpozonte “korrupsionin e qeverisë”, gjendeshin në ndërtesën e shembur të tragjedisë në Miami.
Lidhja u bë pasi adresa e ndërtesës së shembur të apartamenteve është “8777 Collins Avenue in Surfside, Florida”.
Në të tjera zhvillime të lidhura, është raportuar së fundmi se ndërtesa e tragjedisë ishte raportuar nga inxhinieret se “zhytej në tokë” me ritme shqetësuese që prej viteve 1990.
E përditshmja britanike DailyMail.com zbulonte se ka dy versione të të njëjtit koment nga McAfee, por nuk ka mundësi që ato të jenë të dyja të rreme.
Vdekja e McAfee erdhi disa orë pasi një gjykatës spanjoll aprovoi ekstradimin e tij në SHBA me akuza evazioni fiskal.
McAfee u arrestua nga policia spanjolle në aeroportin e Barcelonës teksa tentonte të merrte avionin drejt Turqisë.
Top Channel
