Arrestohen katër persona në Durrës për vjedhje, shpallet në kërkim një tjetër
29/06/2021 18:03
Fiks Fare/ Pushuesit braktisin Llinxhat e Hidrai-t në Elbasan, s’ka infrastrukturë, kanalizime dhe ndriçim 26/04 20:42
Katër persona janë arrestuar në flagrancë nga policia e Durrësit, si dhe është shpallur në kërkim një tjetër, pasi u kapën duke vjedhur një transformator të energjisë elektrike.
Të 4 autorët e arrestuar rezultojnë me precedent të mëparshëm penal në fushën e vjedhjeve, ndërsa është sekuestruar në cilësinë e provës materiale transformatori, pajisjet që shërbenin për çmontimin e tij dhe automjeti që do përdorej për transportin.
Shërbimet e Komisariat të Policisë Durrës arrestuan në flagrancë shtetasit: I. N., 31 vjeç, A. H., 30 vjeç, D.T., 36 vjeç, të dënuar më parë për veprën penale “Vjedhja”, L. V., 29 vjeç, i dënuar më parë për veprën penale “Vjedhja e energjisë elektrike”, të katërt banues në Tiranë.
Gjithashtu u bë shpallja në kërkim dhe vijon puna për kapjen e shtetasit L. S., 54 vjeç, banues në Tiranë.
Këta persona, në bashkëpunim me njëri-tjetrin, në fshatin Romanat, Durrës, janë konstatuar dhe kapur në flagrancë nga shërbimet e Policisë, duke vjedhur një transformator të energjisë elektrike.
Materialet i kaluan Prokurorisë së Rrethit Gjyqësor Durrës për veprën penale “Vjedhja” kryer në bashkëpunim.
Top Channel
