Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Matt Hancock ka dhënë dorëheqje nga pozita e Sekretarit britanik për Shëndetësi, pas shkeljes së rregullave të distancimit fizik, duke puthur një kolege.
Në një letër dërguar kryeministrit britanik Boris Johnson, ai ka thënë se Qeveria “ua ka borxh njerëzve, që kanë sakrifikuar kaq shumë në këtë pandemi, që të jetë e sinqertë kur nuk kemi qenë me ta”.
Kryeministri Johnson ka thënë se i vjen keq për pranim të dorëheqjes.
Ish-kancelari Sajid Javid, ka thënë se është “i nderuar” që është zgjedhur për zëvendësim të Hancock.
Hancock është përballur me presion në rritje për të dhënë dorëheqje, pasi gazeta Sun ka publikuar disa fotografi dhe më pas video të Hancock dhe koleges së Gina Coladangelo, të cilët janë të martuar me nga tre fëmijë, duke u puthur.
Gazeta ka thënë se ata kanë qenë brenda Departamentit për Shëndetësi më 6 maj, kur në kuadër të rregullave për luftim të pandemisë, ka qenë e ndaluar që njerëzit të kenë kontakt intim me një person jashtë shtëpisë.
Mbretëria e Bashkuar ka regjistruar më shumë se 4.7 milionë raste me koronavirus dhe 128,000 viktima, prej shpërthimit të pandemisë.
Së fundmi në këtë shtet po rritet sërish numri i të infektuarve, pasi të dhënat qeveritare kanë treguar se javën e kaluar, gati 100,000 persona kanë rezultuar pozitivë në koronavirus, apo rreth 50 për qind më shumë se një javë më parë.
Shumica e rasteve janë në mesin e grup-moshave të reja, që nuk kanë marrë vaksina kundër koronavirusit.
Deri më tani, rreth 84 për qind e të rriturve në këtë shtet kanë marrë një dozë të vaksinës dhe 61 për qind e popullsisë është imunizuar plotësisht kundër koronavirusit./REL
Top Channel
