Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Një mësuese gjeografie nga Sydney në Australi, e cila ka sulmuar seksualisht një nxënës 14-vjecar, fliste e përlotur sot në gjyq teksa i lutej familjes së tij ta falnin për “turpërimin dhe lëndimin” e shkaktuar.
24-vjeçarja Monica Elizabeth Young, doli në gjyq e mbështetur nga prindërit e saj, xhaxhai e hallat, teksa pranoi tre akuzat e marëdhënies seksuale me të mitur, në kushte të rënduara.
Ajo u afrua para nënës së viktimës dhe kërkoi ndjesë për “lejimin e zhvillimit të marrrëdhënies së tyre” për një periudhë nga 24 qershori deri në 6 korrik 2020.
Young tha në gjykatë se ishte abuzuar edhe vetë kur ishte në shkollë dhe e kuptonte ‘traumën’ të cilën kishte bërë djalin të kalonte.
“Nuk e kisha imagjinuar që unë do të bëhesha një nga ata njerëz. Nuk kam pasur kurrë probleme me ligjin. Shpresoj që familja e tij të më falë. U tregova budallaqe”.
Në gjykatë u tha se Young jepte mësim në një shkollë djemsh në jug të Sydney në vitin 2020, duke kryer 23 orë mësimi me klasat e shtata deri në të dhjetën.
Ajo kishte studiuar mësimdhënie në universitet dhe ishte krenare për punën e parë me kohë të plotë në profesion.
Në prill pandemia e Covid-19 kishte bërë që shkollat të mbylleshin dhe Young kryente mësimin online.
Në këtë pikë ajo thotë se kufijtë profesionalë ishin ‘errësuar’ pasi kontaktonte me nxënësit e saj në të gjitha orët e ditës e të natës.
Kur shkollat u hapën gjashtë javë më vonë në qershor ajo kishte nisur marëdhënien fizike me nxënësin.
Vetëm kur disa familajrë e kishin parë dyshen në një parking makinash, kishin njoftuar prindërit e tij dhe lidhja e tyre u zbulua.
Në deklaratat e policisë thuhej se Young e kishte çuar nxënësin e saj në një parkim në Sydney, dhe kishin bërë seks në makinën e saj.
Dy raste të tjea abuzimi seksual kishin ndodhur në ambjentet e shkollës.
Në kohën e shkeljeve, Young ishte në një marëdhënie me dikë tjetër prej disa vitesh, por avokatja e saj Margaret Cunneen SC, tha se në atë kohë, lidhja e saj ishte në gjendje të keqe.
“Në marrëdhënien e saj kishte të përfshira abuzim fizik, mungesë besnikërie dhe marrje drogash”.
Në gjykatë u tha se fillimisht Young kishte tentuar të ruante një lidhje profesionale me nxënësin duke e “bllokuar” nga sesionet mësimore online. Por ajo pas mësimit tentonte të ndihmonte studentët që mbeteshin prapa, përfshi dhe viktimën.
Prokurori Alexander Terracini pyeti Young ta korrigjonte nëse nuk ishte e vërtetë se ajo i kishte bërë “sfidë” nxënësit të hynte në një lidhje me të, duke i thenë në një nga bisedat e shkruara se “nuk kishte koqe” të shkonte më tej me të.
Në një tjetër rast ajo i kishte shkuar: “Është e rezikshme nëse kapemi por nëse ti e bën do t’ia vlejë”.
Gjyqi vazhdon.
Top Channel
