Dosja SkyEcc dhe hetimet e SPAK, gazetarja: Po zbërthehen 407 telefona të zyrtarëve të administratës, një “kuti Pandore” më vete 19/12 22:56
Edi Rama e mbajti fjalën dhe mori mandatin e deputetit atje ku e mbështetën më shumë me vote preferenciale.
Pas 8 vitesh deputet i Vlorës, Kryeministri vendosi që në Kuvendin e ri të mbajë mandatin që i dha qarku Durrës. Në rrjetet sociale Kryeministri sqaroi arsyet e vendimit.
Sipas Ramës me apo pa mandat Vlora do jetë gjithmonë në zemrën e tij, por Durrësi për të është vendi ku mandati i tretë duhet të sjellë një hop të ri, jo vetëm për atë qytet po për krejt Shqipërinë.
Në të dyja qarqet Kryeministri ishte renditur i 8-ti por mes Vlorës që i dha 11.412 vota preferenciale dhe Durrësit që i dha 15.871 vota preferenciale, ashtu sikurse kishte paralajmëruar zgjodhi qytetin që e deshi më shumë.
Mandatin e Ramës në Vlore e merr Teuta Ramaj, e renditura e 9 në liste.
Kryeministri Rama ishte deputet i qarkut të Vlorës prej dy mandatesh dhe në zgjedhjet e 25 garoi si kandidat i teti në listën e socialistëve.
Dilemës së mandatin e cilit qark do mbajë i dha fund edhe Monika Kryemadhi, e cila në legjislaturën e re e do të ulet si deputete e Fierit.
Ndërkohë kryekomisioneri i zgjedhjeve Ilirjan Celilashi është duke përfunduar vendimin final për zgjedhjet e 25 prill.
Në këtë vendim do të ndahen edhe mandatet e deputetëve që dolën nga zgjedhjet e fundit për mandatin e ri të kuvendit që mblidhet në shtator.
Shkresa e Edi Ramës për Komisionerin Shtetëror të Zgjedhjeve
Top Channel
