Sërish maturantët edhe pse një grup më i vogël janë mbledhur para ministrisë.
Është paralajmëruar edhe një tjetër protestë në orën 17:00 nga një grup maturantësh.
Për mikrofonin e Top Channel, ata shprehen sërish të pakënaqur, duke përmendur se nuk do të munden të fitojnë asnjë degë të vlefshme.
“Kjo ka për të shkuar deri në bojkotim, ajo po kërkon që të na zbusë, por çfarë dege do të fitojmë, duke na e çuar notën nga 4 në 5?”, tha njëra nga protestueset.
Kujtojmë se protesta e këtij viti është shkaktuar pasi maturantët janë shprehur se provimi i Matematikës ishte shumë i vështirë dhe jashtë pritshmërive të tyre.
Simboli i protestës së këtij viti është “Sindi”, nga njëri prej ushtrimeve në teze, kurse një vit më parë ishte “Turi”.
Top Channel
