I riu francez flet shumë mirë shqip/ Rama i befasuar: Ku e ke mësuar se e flet si frëngjishten

12/06/2021 11:26

Këtë të shtunë, Kryeministri Edi Rama po zhvillon një bashkëbisedim me të rinjtë e përzgjedhur nga programi ‘Gati për Shqipërinë’.

Ky cikël sensionesh online, sipas fushave, mundëson njohjen me të interesuarit dhe eksplorimin e mundësive e formave të bashkëpunimit me ta.

Adrien Cremer, është një i ri francez, i cili flet në mënyrë të përsosur gjuhën shqipe dhe kjo gjë sigurisht nuk mundi t’i shpëtonte Kryeministrit Rama!

Cremer është kualifikuar me një master në fushën e logjistikës në Francë dhe po ashtu ka ushtruar disa vite profesionin e tij në Shqipëri.

Adrien: Unë jam francez në fakt. Jam kualifikuar me një master në fushën e logjistikës, në Francë. Kam punuar disa vite në Shqipëri në fakt. Fakti që kam një eksperiencë logjistike më lidh më shumë me fushën e transportin, me zhvillimin e territorit, me politikat e transportit, mund të jenë rrugët mund të jenë aeroportet.

Rama: Po mirë këtë shqipen ku e ke mësuar?

Adrien: E kam mësuar në Shqipëri, në punë.

Rama: Në punë e ke mësuar këtë?

Adrien: Po!

Rama: Me shqiptare je martuar?

Adrien: Po, me shqiptare.

Rama: Ëëë, e flet shqipen si frëngjishten.