Detaje të reja kanë dalë në dritë nga grabitja e dhunshme në Glyka Nera, ku si pasojë humbi jetën 20-vjeçarja Karolinë, por fatmirësisht mundi të shpëtonte vajza e saj 11 muajshe dhe burri i saj.
Gazetarja Angeliki Nikolouli, në një emision televiziv, mbrëmjen e djeshme, me ndihmën e ekspertëve bëri live ekspertizën e videos nga kamerat e sigurisë, që regjistruan makinën e errët, e dyshimtë që po ecte atë natë pranë shtëpisë së çiftit dhe aty janë përqendruar edhe autoritetet.
Po ashtu edhe presidenti i Federatës Panhelenike të Oficerëve të Athinës, Giannis Katsiamakas ka bërë një hetim në lidhje me ngjarjen dhe ka thënë se automjeti i dyshimtë është BMË E36 ose E39, me fenerë të rrumbullakët dhe drita të vogla dhe sipas tij, të njëjtin lloj automjeti përdorin kriminelët shqiptarë në sulmet e tyre, shkruajnë mediet greke.
E vetmja makinë që nuk është identifikuar deri në këto momente është BMË me ngjyrë të errët, e cila u zhvendos në afërsi të vendit të grabitjes dhe u arratis nga Avenue Lavriou në drejtim të Agia Paraskevi.
Përshkrimi i udhëheqësit
Makina e dyshimtë nxori në dritë detaje rreth drejtuesit të bandës së grabitësve, por edhe rreth anëtarëve të tjerë.
Ai u mbështet në përshkrimet e dhëna nga burri i Karolinës. Sipas tij gjatë grabitjes në Glyka Nera, udhëheqësit i ra maska nga fytyra dhe ajo çka kanë mundur të ndërtojë grupi hetimor është personazhi si vijon.
Gjatësia 1.70, fytyrë e rrumbullakët, sytë e hirit, të afërt me hundën, qafa e shkurtër, lakuriq me shpatulla të gjera, flokë të prera, buzët të mbushura, mbi 35 vjeç, kishte veshur rroba të errëta
Përshkrimi i bashkëpunëtorëve të tij në Megara
Në grabitjen që ndodhi në çift në Alepochori Megara, emrat që u dëgjuan ishin: Costas, George dhe Giannis. Bashkëpunëtorët e udhëheqësit ishin të gjatë dhe të shkurtër, të dy ngjyrë e errët. Të gjithë ata janë rreth 35 vjeç. Ata qëndruan afër shtëpisë për një orë dhe u kujdesën të mos linin asnjë gjurmë.
Përshkrimi i bashkëpunëtorëve në Glyka Nera
Përshkrimi i burrit të Caroline fatkeq për dy bashkëpunëtorët e udhëheqësit në Glyka Nera, është si më poshtë:
Njëri në moshën 30-35 vjeç dhe tjetri 25-30 vjeç . Gjatësia e tyre është 1.80 deri 1.87 dhe fiziku i tyre është normal . Ata kishin veshur rroba të errëta, doreza të zeza dhe kapuça të zeza në fytyrë. Njëri mbante një pistoletë të zezë dhe tjetri një revole argjendi.
Ditët e 32-vjeçari pas vdekjes së Karolinës
Menjëherë pas ngjarjes ai u shpreh pozitiv dhe se besonte që së shpejti autorët e vrasjes së gruas së tij do të kapeshin. Po ashtu si tha se do të deklaronte çdo gjë që kishte parë apo dëgjuar atë mëngjes të tmerrshëm të 11 majit.
Por tashmë ai ka ndryshuar mendim, nga frika se mund të dëmtojë hulumtimin.
Gjithçka që ai po bën këto ditë është vëzhgimi i vajzës së tij si dhe po ndjek procesin e hetimeve.
“Këto ditë kam të voglën time jo mirë dhe jam pak i humbur. Po pres edhe Policinë për ndonjë zhvillim. Për më tepër, gjithçka që mund të bëj është të kujdesem për vajzën time. Asgjë tjetër”, tha ai, ndërsa shtoi: “Jam lodhur nga gjithçka që flitet. Unë kam forcën të merrem vetëm me fëmijën tim dhe të bëj kërkime”.
Top Channel
