Burgjet do të hapin dyert/ Lirohen masat anticovid, nga e hëna të dënuarit do të takojnë familjarët
10/06/2021 19:42
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Duke nisur nga dita e hënë datë 14 qershor, të gjitha burgjet në vend do të hapin dyert, ku do të lejojnë takimet e të burgosurve dhe paraburgosurve me familjarët e tyre, e cila ka qenë e ndaluar për 15 muaj me radhë që nga shpallja e pandemisë në vend.
Këtë lajmërim e bëri të ditur ministrja e Drejtësisë në vend, Etilda Gjonaj.
“Duke zbatuar të gjitha urdhrat për shtimin e masave në të gjithë personelin për përhapjen e virusit. Është dashur që të merreshin disa masa për të parandaluar përhapjen e Covid-19. Stafi shëndetësor në burgje ka kontrolluar gjatë gjithë kohës për 15 muaj të gjithë të burgosurit. takimeve do të respektohen të gjitha rregullat e tjera anti Covid19 në institucione që do të jenë ende në fuqi. Për të miturit e dënuar, do të lejohen 4 takime në muaj me të njëjtat kërkesa për familjarët. Po gjithashtu do të vijojnë të ruhet praktika shumë e mirë e krijuar ashtu siç përmenda me komunikimin online me Skype”, tha Gjonaj.
Për të minimizuar përhapjen e COVID-19, Ministria e Drejtësisë aplikoi dërgimin në shtëpi të 450 të dënuarve për vepra të lehta penale.
Top Channel
