Rezultatet live/ Dalin projeksionet, Trump kryeson me 232 vota elektorale, Harris 216! Republikani merr Karolinën e Veriut, demokratja New Mexicon 06/11 06:10
Një luaneshë ka vdekur nga Covid-19 në një kopsht zoologjik në Indi dhe tetë të tjerë kanë rezultuar pozitivë me virusin.
Kopshti zoologjik shtetëror në periferi të qytetit indian Chennai njoftoi vdekjen e luaneshës nëntë-vjeçare aziatike, në faqen e tij të internetit.
“Luanesha 9-vjeçare Neela e humbi betejën me sëmundjen dhe vdiq më 3 qershor”, shkruante kopshti zoologjik i Arignar Anna.
Për hapja e sëmundjes te felinët ishte e para e këtij lloji dhe u pikas në fillim të javës kur luanesha shfaqi rrjedhje hundësh. Luanët e tjerë të infektuar duket se ishin asimptomatikë.
Kafshët e prekura u lanë në izolim dhe iu dhanë anti-biotikë. Ato po mbikqyren nga grupi veteriner i kopshtit dhe një ekspert i universitetit veterinar të Tamil Nadu.
Ka pasur disa raste të koronavirusit të vërejtura te kafshët, siç ishin dy tigrat e bardhë që besohet se vdiqën nga Covid-19 në Pakistan.
Disa luanë kanë rezultuar pozitivë në Spanjë dhe në qytete të tjera të Indisë, siç ishin tetë 7uanët që rezultuan pozitivë muajin e kaluar në parkun zoologjik të Nehru.
Kujdestarët e kafshëve dhe punonjësit e kopshtit janë të vaksinuar nga COVID-19 dhe përdorin mjete mbrojtëse gjatë kontakteve me to.
Top Channel
