Një viktimë dhe 11 raste të reja me COVID në Kosovë, gjatë 24 orëve të fundit

06/06/2021 15:50

Një i viktimë e 11 raste të reja me COVID-19 janë shënuar gjatë 24 orëve të fundit në Kosovë. Ministria e Shëndetësisë kosovare njofton se janë kryer 2,074 mostra testuese.

Në klinikat COVID të Qendrës Klinike Universitare të Kosovës dhe 7 spitalet e përgjithshme po vazhdon trajtimi i pacientëve me Covid-19.

Sipas raportimeve, të shtruar sipas Koha.net, janë 124 pacientë, 38 të konfirmuar pozitivë, 95 me oksigjeno-terapi dhe 3 në gjendje të rënduar shëndetësore.

Në QKUK janë të shtrirë 87 pacientë, 15 të konfirmuar me Sars Cov-2 pozitivë, 1 në gjendje të rënduar dhe 72 me oksigjeno-terapi.

Numri i pacientëve të shtrirë sipas klinikave: Klinika Infektive, 26 pacientë dhe Klinika e Pulmologjisë, 61 pacientë.

Në spitalet e përgjithshme janë të shtrirë 37 pacientë: 2 në gjendje të rënduar, 23 të konfirmuar pozitivë dhe 23 me oksigjeno-terapi.

Numri i pacientëve të shtrirë sipas spitaleve të përgjithshme: Spitali i Prizrenit, 4 pacientë, Spitali i Gjakovës, 4 pacientë, Spitali i Pejës, 14 pacientë, Spitali i Gjilanit, 4 pacientë, Spitali i Ferizajt, 2 pacientë, Spitali i Mitrovicës, 3 pacientë dhe Spitali i Vushtrrisë, 6 pacientë.

Top Channel