Akuzohen se ndihmuan persona nga vendet e treta të kalojnë kufirin, shpallen në kërkim kombëtar dy të rinjtë nga Vlora

06/06/2021 10:54

Dy të rinj janë shpallur në kërkim kombëtar pasi akuzohen për veprën penale “Ndihma për kalimin e paligjshëm të kufirit”, kryer në bashkëpunim në më shumë se një herë.

Policia njofton se për personat e identifikuar me inicialet R. R., 31 vjeç dhe E. M., 27 vjeç, të dy banues në Vlorë, Gjykata e Shkallës së Parë Vlorë, iu ka caktuar masën e sigurisë “Arrest në burg”..

Këta shtetas  dyshohen se janë përfshirë në veprimtarinë kriminale të dhënies ndihmë për kalim të paligjshëm të kufirit shtetëror të shtetasve nga vendet e treta në bashkëpunim me shtetasin I. H, i arrestuar  në muajin Dhjetor nga Policia.

Materialet hetimore i kaluan Prokurorisë pranë Gjykatës së Shkallës së Parë Vlorë, për veprime të mëtejshme procedurale.

Top Channel