VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Kombëtarja Shqiptare U21 e nisi në mënyrë perfekte edicionin eliminator të Kampionatit Europian të kësaj grupmoshe, pasi ia doli të triumfojë me rezultatin e thellë 0-3 në transfertën ndaj modestëve të Andorrës.
Kuqezinjtë e kishin vlerësuar maksimalisht këtë transfertë dhe Alban Bushi kishte marrë edhe sulmuesin Armando Broja nga Kombëtarja e madhe, teksa ishte pikërisht futbollisti në pronësi të Chelsea-t që zhbllokoi sfidën në minutën e 17’.
Pas një kthimi mbrapa të gabuar nga ana e mbrojtësve vendas, Broja bëri një sprint të jashtëzakonshëm, duke “djegur” në shpejtësi disa kundërshtarë dhe i gjendur i vetëm me portierin, gjuajti saktë, duke dërguar topin në rrjetë.
Në minutën e 41-të ishte mesfushori i Ipswich Town, Armando Dobra që kombinoi mirë me Brojën, por u pengua nga kundërshtarët dhe arbitri kryesor i takimit nuk ngurroi të akordojë 11-metërsh për kuqezinjtë.
Nga pika e bardhë shkoi mesfushori debutues me shpresat, Anis Mehmeti, që gjuajti saktë në krahun e majtë të portierit, duke e mposhtur për herë të dytë këtë të fundit dhe duke shkuar në pushim të ndeshjes me avantazhin e dy golave.
Në minutën e 62-të ishte Karrica që u shërbye në thellësi dhe ktheu një top për Brojën në qendër të zonës, por aty ndërhyri mbrojtësi vendas Alvarez, që në tentativë për të larguar topin, e dërgoi për herë të tretë në rrjetë.
Më pas deri në fund të takimit rezultati mbeti i pandryshuar, me Shpresat kuqezi që menaxhuan mirë avantazhin dhe ruajtën energjitë, duke marrë edhe 3 pikët në ndeshjen e parë eliminatore të Europianit.
Top Channel
