Mbrëmjen e sotme në emisionin “Open” në Top Channel po diskutohet për rishkrimin e historisë së Shqipërisë. Në lidhje me këtë temë i ftuari historiani Mariglen Kasmi tha se është absurde që një projekt të paragjykohet pa filluar.
Mariglen Kasmi: Unë e mbështes si nismë se jam i mendimit që më mirë sesa institucionet kryesore më të rëndësishme shtetërore të shkencës në Shqipëri një projekt të tillë nuk mund ta koordinojë. Ne thelb Akademia është një koordinator i këtij projekti.
E shoh si një përplasje në aspektin e emrave për ndonjë pakënaqësi dhe një lloj tendence që mundohen t’i japin debatit duke menduar se kjo histori do tentojë drejt një versioni zyrtar të historisë dhe si e tillë do të ndikohet politikisht.
Politizimi i historisë është një fenomen 30-vjeçar në Shqipëri dhe më gjerë se Shqipëria. Historia përdoret për arsye të caktuara politike.
Është absurde ta paragjykojmë një projekt që akoma nuk ka filluar dhe po harxhohet një energji shumë e madhe për të thënë që ky projekt nuk bën.
Top Channel
