Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një gjykatë në Bosnje e Hercegovinë dënoi ish-ministrin e Sigurimit, Sadik Ahmetoviq, me gjashtë muaj burgim, për shkak të abuzimit me detyrën.
Gjykata në Sarajevë konstatoi se Ahmetoviq ka shfrytëzuar pozicionin e tij për t’i siguruar punë fiktive një personi, gjë që ka pasur kosto mbi buxhetin e shtetit.
Adnan Bektiq, i cili ka përfituar paga dhe mëditje të paligjshme në periudhën 2011-2012, u urdhërua t’i kthejë shtetit 9,600 dollarë.
Ahmetoviq tha se do ta apelojë vendimin dhe shtoi se rasti kundër tij është i motivuar politikisht.
Ai ka qenë ministër i Sigurimit në Bosnje nga viti 2009 deri më 2012.
Për kohë të gjatë, ka qenë anëtar i Partisë së Veprimit Demokratik (SDA), ndërsa në maj të vitit 2017 është përjashtuar nga kjo parti.
Aktualisht, Ahmetoviq është anëtar i partisë së re Blloku i Pavarur./ REL
Top Channel
