Trupi i një të riu, rreth të 25-ave, është gjetur në basenin ujor të portit detar të Durrësit, pak minuta më parë.

Ka qenë një telefonatë që ka sinjalizuar policinë kufitare mbi praninë e trupit në ujë dhe efektivët e saj janë vënë në lëvizje duke e nxjerrë nga uji.

Dyshohet se është një refugjat nga vendet e Lindjes së Mesme, pasi ka pasur edhe një çantë shpine dhe mund të jetë hedhur në ujë për të arritur me not te ndonjë traget apo anije peshkimi për t’u larguar nga Durrësi drejt Perëndimit.

Viktima

Në vendngjarje pritet të mbërrijë ekspertiza, që do të hapë çantën që djali mban në shpinë, për të parë nëse ka dokumente, që verifikojnë origjinën e tij.

Durrësi konsiderohet një trampolinë për refugjatët e ardhur nga vendet e Lindjes së Mesme të cilët synojnë kryesisht Italinë dhe Gjermaninë.

Njoftimi i policisë:

Më datë 30.05.2021, në Portin e Durrësit, në afërsi të barkave të peshkimit është gjetur i mbytur në ujë një shtetas i seksit mashkull, i paidentifikuar.

Menjëherë në vendngjarje kanë shkuar Efektivet e Policisë, ku nga kqyrja paraprake e kufomës nuk janë konstatuar shenja dhune.

Grupi hetimor po punon për identifikimin e personit dhe zbardhjen e plotë të ngjarjes.

Top Channel