Ministria e Shëndetësisë njofton se në 24 orët e fundit janë infektuar me koronavirus 12 persona si dhe një pacient ka humbur jetën. Kështu numri i personave që janë infektuar me covid që ka fillimi i pandemisë ka shkuar në 132,297, ndërsa ai i viktimave në 2,449.
Janë kryer 3255 testime dhe rastet pozitive të konfirmuara janë identifikuar në këto bashki: 3 raste në Shkodër, 2 raste në Tiranë, Korçë, 1 rast në Fier, Devoll, Prrenjas, Kolonjë, Sarandë.
Aktualisht në spitalet COVID po trajtohen 41 pacientë, nga të cilët 6 pacientë janë në terapi intensive.
Me gjithë përpjekjet e stafit mjekësor betejën me COVID19 nuk e ka fituar 1 qytetare nga Saranda, 89 vjeç. Ministria e Shëndetësisë dhe Mbrojtjes Sociale i shpreh ngushëllimet familjes.
Në 24 orët e fundit janë shëruar 118 qytetarë, duke e çuar numrin e të shëruarve në 129,215 që nga fillimi i epidemisë.
Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19: Vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, kujdesuni për higjienën vetjake dhe vetëizolohuni kur dyshoni se jeni të prekur nga COVID19.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.
Statistika (29 Maj 2021)
Raste të reja ditore 12
Të shëruar në 24 orë 118
Të shtruar në spitale 41
Humbje jete në 24 orë 1
Testime ditore 3255
Testime totale 715,526
Raste pozitive 132,297
Raste të shëruara 129,215
Raste Aktive 633
Humbje jete 2,449
Shpërndarja gjeografike e rasteve aktive sipas qarqeve:
Tiranë 291
Korçë 83
Shkodër 73
Vlorë 33
Elbasan 32
Berat 36
Lezhë 27
Gjirokastër 19
Fier 11
Kukës 10
Durrës 14
Dibër 4
Top Channel
