Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Kryeministri holandez, Mark Rutte njoftoi të premten fundin e mbylljes për shkak të Covid-19 duke filluar nga 5 qershori, dhe zbutjen e disa masave kufizuese kundër virusit.
Numri i shtrimeve në spital dhe i rasteve të reja vazhdojnë të bien, duke lejuar hyrjen në fuqi të masave të reja lehtësuese më 5 qershor, katër ditë më herët nga sa ishte paralajmëruar më parë.
“Lehtësimet që do të hyjnë në fuqi më 5 qershor nënkuptojnë fundin e mbylljes”, tha Rutte gjatë një konference për shtyp.
“Ne kemi bërë vlerësimet tona të riskut, por nëse javën e ardhshme “bëhet hataja” dhe numrat rriten sërish, atëherë do të përballemi me një situatë të re”, vazhdoi ai.
“Megjithatë, sipas shkencëtarëve me të cilët jemi këshilluar që nga fillimi i epidemisë, kjo është e pamundur”, shtoi kreu i shtetit, i cili do të vaksinohet javën e ardhshme, sipas burimeve lokale.
Qeveria holandeze kohët e fundit i dha fund shtetrrethimit dhe lejoi restorantet dhe kafenetë t’u shërbenin klientëve në tarraca. Pronarët e restoranteve tani do të lejohen të shërbejnë në ambiente të mbyllura deri në orën 22:00.
Muzetë do të lejohen të hapen me një vizitor për metër katror dhe teatrot dhe kinematë do të duhet të akomodojnë maksimumi 50 vizitorë.
Top Channel
