Dy persona janë vënë nën prangat e policisë në Vlorë.
Njëri prej tyre, një 43-vjeçar, u arrestua pasi ka ushtruar dhunë fizike ndaj bashkëjetueses së tij.
Ndërsa, një 19-vjeçar u vu nën pranga pasi u përfshi në një aksident me një tjetër automjet. Ngjarja ndodhi në lagjen “Uji i ftohtë”, Vlorë.
Njoftimi i policisë/ Vlorë
Specialistët për Hetimin e Krimeve në Komisariatin e Policisë Delvinë arrestuan në flagrancë për veprën penale “Dhuna në familje”, shtetasin P. M., 43 vjeç, banues në Delvinë, pasi ka ushtruar dhunë fizike ndaj bashkëjetueses së tij.
Specialistët e Qarkullimit Rrugor arrestuan në flagrancë, për veprën penale “Shkelja e rregullave të qarkullimit rrugor”, shtetasin V. M., 19 vjeç, banues në Vlorë, pasi në lagjen “Uji i Ftohtë”, Vlorë, është përfshirë në një aksident më një automjet tjetër.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
Top Channel
