Ministrat e G7-ës takohen në Itali për të diskutuar për konfliktet 25/11 09:40
Komisioni i Ankesave Sanksioneve nuk ka pranuar tre kërkesat e PD-së, por dha dritë jeshile për atë të LSI-së.
Vendosi rrëzimin e kërkesës për përsëritje zgjedhjesh në qarkun Durrës pasi PD pretendon manipulim dhe kërkesën e 19 provave të reja po në këtë qark. Gjithashtu KAS vendosi rrëzimin e kërkesës për përsëritje zgjedhjesh në qarkun Shkodër.
KAS vendosi të pranojë kërkesën e LSI-së që të numërohen 108 kuti të qarkut Durrës. Numërimi do të nisë ditën e nesërme në orën 10.00.
LSI-së i duhen 136 vota që të marrë mandatin e PS-së, pikërisht atë të kryeministrit Edi Rama. Në qarkun Durrës, LSI kërkoi hapjen e 108 kutive të votimit.
Përfaqësuesi i PS-së, Eridian Salianji tha se ishte dakord me kërkesën e LSI-së për rinumërim dhe rivlerësim, ndërsa theksoi se rezultati nuk do të ndryshojë.
“Për ne e rëndësishme transparenca. Procesi ka qenë transparent në Durrës dhe asnjë votë nuk është kontestuar. Por që mandati 8 të mos mbetet i dyshuar dhe ne të vërtetojmë që është legjitim. Jemi dakord të hapen kutitë pavarësisht se besojmë që rezultati s’do të ndryshojë”, tha përfaqësuesi i PS-së, Eridian Salianji.
Përfaqësuesi i PD-së, Marash Logu u shpreh se 34 persona mund të kenë votuar 71 herë sipas të dhënave PEI në qarkun e Durrësit.
“4 persona me të njëjtin mjet identifikimi kanë votuar në 8 qendra votimi të ndryshme, 34 persona janë përdorur për identifikimin e 71 zgjedhësve. 34 persona mund të kenë votuar 71 herë, është një provë që kemi pasur mundësi ta diskutojmë edhe me qarqet e tjera, të dhënat do të përdoren nga ana jonë, po ajo që ka rëndësi është informacioni që na është dhënë në dispozicion. Pyetja ime është që a është kryer verifikimi nëse ka pasur ndërprerje dhe ka vijuar me votim manual”, tha Logu.
Ndërsa relatori i KAS, Koli Bele u shpreh se në Durrës ka pasur mosfunksionim të pajisjes PEI në 28 raste.
“Nga një verifikim i bërë na rezulton që në Durrës ka pasur mosfunksionim të pajisjes PEI në 28 raste”, tha Bele.
“ Mesa di unë zoti Logu e ka bërë edhe një herë këtë kërkesë ne ia kemi rrëzuar”, tha Ledio Braho anëtari i KAS.
Janë verifikuar të dhënat nga PEI dhe nga lista me 300 zgjedhës që PD pretendonte kishin shitur votën. Nga kryqëzimi i të dhënave rezultoi se shin 146 nga të cilët 113 kanë votuar dhe 33 nuk kanë votuar.
Top Channel
