Aeroplani u godit aksidentalisht nga Rusia? Ç’ndodhi me “Azerbajxhani Airlines”, u rrëzua me 67 persona në bord 26/12 11:05
KAS ka përfunduar pak më herët rinumërimin e 114 kutive të qarkut të Beratit dhe LSI ka rikuperuara gjithsej me 15 vota, shumë larg votave të pretenduara dhe të duhura për të marrë mandatin e pretenduar.
Nga 114 kutitë e numëruara LSI ka marrë vetëm 15 vota plus, nga 77 që i duheshin për t’i marrë mandatin Partisë Socialiste.
Pas këtij rezultati, LSI ka dalë në një konferencë për media. Sekretari i Përgjithshëm i LSI, Endrit Braimllari tha se i gjithë procesi i trajtimit të ankesave të LSI nga ana e KAS ka vërtetuar se mandati i LSI është grabitur në tavolinë!
Sipas LSI në 24 qendrat e votimit në qarkun e Beratit ka të vërtetuara 115 shkelje të rënda, që vërtetojnë qartazi ndërhyrjen në proces dhe brenda në kuti.
“Është i vërtetuar, fakti kriminal që 19 shtetas votojnë 54 herë ndërkohë që ka me qindra informacione të tjera për votime të së njëjtës natyrë në të gjitha qendrat e votimit në qarkun e Beratit. Është vërtetuar që ka më shumë fletë votimi në kuti sesa votues, në Berat dhe në të gjithë Shqipërinë. Është vërtetuar që janë dorëzuar kuti me fletë votimi më shumë sesa janë marrë në dorëzim. Pra, edhe një herë kutitë janë mbushur nga Rilindja duke na kthyer pas në kohët më të errëta të zgjedhjeve në Shqipëri”, tha më tej në deklaratën e tij Braimllari, duke shtuar se LSI nuk do të ndalet dhe do të vazhdojë betejën në Kolegjin Zgjedhor, ku do të paraqesin fakte për pavlefshmëri të procesit.
Deklarata e plotë e Sekretarit të Përgjithshëm të LSI, Endrit Braimllari:
Përshëndetje!
I gjithë procesi i trajtimit të ankesave të LSI nga ana e KAS vërtetoi se mandati i LSI është grabitur në tavolinë.
Vendimmarrja e KAS, për të quajtur të vlefshme 24 qendra votimi të mbushura nga Rilindja të faktuara dhe të vërtetuara nga procesverbalet dhe nga informacioni zyrtar, i firmosur nga numëruesit dhe komisionerët e PS vërtetoi të gjitha pretendimet tona.Në 24 qendra votimi në qarkun e Beratit të vertetuara ka 115 shkelje të rënda të cilat vërtetojnë qartazi ndërhyrjen në proces dhe brenda në kuti.
Është i vërtetuar, fakti kriminal që 19 shtetas votojnë 54 herë ndërkohë që ka me qindra informacione të tjera për votime të së njëjtës natyrë në të gjitha qendrat e votimit në qarkun e Beratit.
Është vërtetuar që ka më shumë fletë votimi në kuti sesa votues, në Berat dhe në të gjithë Shqipërinë.
Është vërtetuar që janë dorëzuar kuti me fletë votimi më shumë sesa janë marrë në dorëzim. Pra, edhe një herë kutitë janë mbushur nga Rilindja duke na kthyer pas në kohët më të errëta të zgjedhjeve në Shqipëri.
Këto fakte tronditëse, nuk janë marrë parasysh nga KAS, i cili heshti duke zbatuar një urdhër politik dhe u bërë pjesë e shkatërrimit të procesit zgjedhor dhe grabitjes së mandatit të LSI.Ne nuk do të ndalemi, do ta vazhdojmë betejën tonë në Kolegjin Zgjedhor ku do të paraqesim fakte konkrete për pavlefshmëri të procesit. LSI është e vendosur për t’i shkuar deri në fund zbardhjes të së vërtetës dhe për të çuar në vend vullnetin e qytetarëve.
Top Channel
