Avioni me 181 pasagjerë përplaset me gardhin në aeroportin në Korenë e Jugut, 28 viktima 29/12 02:13
Në fillim të javës së dytë të konfliktit të rindezur izraelito-palestinez, presidenti amerikan, Joe Biden telefonoi kryeministrin izraelit, Benjamin Netanyahu, për t’i thënë se mbështet vendosjen e një armëpushimi mes palëve.
Deklarata e Shtëpisë së Bardhë mbi telefonatën nuk sqaronte se çfarë përgjigjeje i ka dhënë Netanyahu një kërkese të tillë. Aty theksohet vetëm se “presidenti shprehu mbështetjen për një armëpushim dhe diskutoi mbi angazhimin e SHBA-së me Egjiptin dhe partnerë të tjerë drejt këtij qëllimi.
Biden, nga sa thekson deklarata, e inkurajoi Izraelin të bëjë çdo përpjekje për të siguruar mbrojtjen e civilëve të pafajshëm. Por, përsëriti sërish mbështetjen e tij të vendosur për të drejtën e Izraelit për t’u mbrojtur nga sulmet e raketave. Shtëpia e Bardhë tha se të dy udhëheqësit gjithashtu “diskutuan lidhur me përparimin e operacioneve ushtarake të Izraelit kundër Hamasit dhe grupeve të tjera terroriste në Gaza”.
Gjatë së hënës, presidenti Biden dhe ndihmësit e tij punuan pas kuintave duke bërë presion për një pushim zjarri mes Izraelit dhe Hamasit, në sfondin e zhgënjimit që kanë ngjallur bombardimet e Izraelit ndaj një ndërtese të Gazës që strehonte disa organizata lajmesh.
Biden po përballet me presion në rritje nga ligjvënësit në Partinë e tij Demokrate për të luajtur një rol më të madh, por zyrtarët amerikanë thonë se ai dhe ekipi i tij kanë zgjedhur një përpjekje të pabujshme, duke biseduar me zyrtarë izraelitë dhe aleatë të Shteteve të Bashkuara në botën arabe.
Top Channel
Avioni me 181 pasagjerë përplaset me gardhin në aeroportin në Korenë e Jugut, 28 viktima 
