Derbi do luhet me tifozë, FSHF “fal” me llogari Tiranën para Partizanit 25/11 16:26
Gianluigi Buffon zyrtarizon largimin e tij nga Juventus në fund të sezonit dhe këtë e bën në një intervistë për rrjetin televiziv “beIN Sports” duke konfirmuar në këtë mënyrë zërat që kishin filluar të qarkullonin për të ardhmen e tij te “Zonja e Vjetër”.
“E ardhmja ime është e qartë dhe e përcaktuar-tha Buffon-këtë vit mbyllet në mënyrë përfundimtare kjo eksperiencë e gjatë dhe shumë e bukur me Juventusin. Ose do të tërhiqem përfundimisht, ose do të përjetojë një eksperiencë të re nëse do të jem në gjendje që të gjej një situatë që të më japë stimuj”.
Pra, edhe pse në moshën 43-vjeçare, Buffon nuk duket akoma i bindur për të varur dorezat në gozhdë, por largimi nga klubi bardhezi pas 19 sezonesh me një vit te Paris Saint Germaini në mes, është i sigurt. Buffon e la Juventusin si një protagonist absolut.
Ai është futbollisti me më shumë ndeshje në historinë e Serie A, 656 të tilla dhe është futbollisti i dytë me më shumë ndeshje në të gjitha kompeticionet me fanelën e Juventusit, 683 pas Alessandro Del Pieros. Në sezonin e fundit, kur ishte në rolin e zëvendësit të Sheznit, Buffon ka zhvilluar 12 ndeshje në kampionat, Champions dhe Kupën e Italisë edhe pse gjërat nuk shkuan siç ai imagjinonte.
Top Channel
