Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Një grua e re italiane po monitorohet në spital pasi ka marrë aksidentalisht gjashtë doza të vaksinës kundër COVID-19 të Pfizer-BioNTech.
Mediat italiane thanë se pas gabimit, një grua 23-vjeçare u vu nën vëzhgim në Massa, Toskanan qendrore, përcjell Telegrafi.
Ajo ishte në gjendje të mirë pasi mori lëngje dhe paracetamol pas injeksionit të dielën, njoftoi agjencia e lajmeve AGI.
Sipas AGI, një infermiere injektoi gabimisht në krahun e saj një shishe të tërë të vaksinës, në vend të vetëm një doze.
Në një njoftim për shtyp, spitali në Massa konfirmoi se një grua e re “ishte inokuluar me një shishkë të tërë vaksine”.
Studimet e mëparshme për të testuar mbidozat e vaksinës Pfizer ishin të kufizuara në vetëm katër doza, tha AGI.
Meqenëse nuk ka njohuri historike të personit që i jepen gjashtë doza, pacienti po mbahet nën vëzhgim nga afër.
Incidenti është raportuar gjithashtu në Agjencinë Italiane të Barnave (AIFA).
Mbidozat e vaksinës Pfizer-BioNTech janë raportuar më parë në Gjermani, Australi dhe Shtetet e Bashkuara. /Telegrafi/
Top Channel
