Tirana përqafon ekonominë qarkulluese me projektin “Let’s Go Circular” 29/11 19:34
Parlamenti ka miratuar në seancën e parë pas zgjedhjeve të 25 prillit aktin normativ të ndryshimit të buxhetit 2021.
Në rishikimin e bërë në draft, Financat kanë alokuar 2 miliardë lekë në Fondin Rezervë i cili do të përdoret për blerjen e vaksinave anti-Covid-19 si dhe për shpenzimet të tjera që lidhen me pandeminë.
“Deri më sot Qeveria Shqiptare ka nënshkruar kontrata për sigurimin e 2.2 milion dozave të vaksinave, doza të cilat janë në përdorim dhe në proces të vaksinimit të popullatës. Megjithatë, për përmbushjen e objektivit të imunizimit ndaj Covid-19 kërkohen dhe 2.2 milionë doza të tjera vaksine. E përkthyer në vlerë monetare, bazuar në çmimet e vaksinave, kjo nënkupton një financim shtesë për 2 miliardë lekësh të dedikuar për blerjen e vaksinave”, u shpreh Anila Denaj.
Paralelisht, deputetët e kuvendit votuan edhe aktet normative për marrëveshjet e vaksinës kineze nëpërmjet distributorit turk për të rritur më tej sasinë e vaksinave.
“Deri me sot janë mbi 730 mijë doza vaksine që kanë mbërritur në vend. Këtë javë do të kemi edhe 11700 doza vaksine Pfizer. Në maj 99 mijë doza vaksine nga kontrata me Pfizer, instrumentin e Covax”, tha ministrja Manastirliu.
Vetëm një ditë më parë në vend u arritën 500 mijë doza vaksina të kryera në total, teksa dy dozat e vaksinave i kanë marrë gjithsej rreth 100 mijë qytetarë në të gjithë vendin.
Top Channel
