Fshati Ad, ndryshe njihet dhe si fshati luleshtrydheve.
Afërsisht 30 hektarë tokë këtu janë të mbjella me luleshtrydhe. Nebi Ferra, dikur në serat e tij kultivonte domate dhe speca,ndërsa sot ai perimet i kanë lënë vendin këtij fruti.
“Luleshtrydhja është fruti më I mirë I stinës. Ka shumë kosto, por edhe të jep shumë. Nëse do të ngresh një sera nga e para për 1 dynym të duhet 7-10 mln lekë. Unë punoj bashkë me tim birë. Në do t’i shtojmë sera dhe tokën do jua marrim me qira atyre që nuk I punojnë. Nuk do të heq kurrë dorë nga bujqësia, do vazhdoj deri sa të marr frymë“, thotë fermeri Nebi Ferra.
Asim Nezha, para 10 vitesh punonte ne serat e luleshtrydheve të Greqisë. Pasi fitoi eksperiencën kurset e jetës së tij i hodhi në këto sera. Luleshtrydhja e fshatit Ad, sot kërkohet nga e gjithë Evropa.
“Para 11 vitesh e nisem me një dynym. Tani jemi bërë bashkë si fermer dhe e tregtojmë bashkë. Afërsisht 70% të prodhimi e çojmë për eksport. Nuk jam penduar kurrë që jam kthyer në Shqipëri“, tha fermeri Asim Nezha.
Top Channel
