Vlonjati fotografon votën dhe largohet nga qendra e votimit, Policia dhe Prokurori mbërrijnë në vendngjarje
25/04/2021 14:42
E rëndë në Athinë, vdes 22-vjeçari shqiptar! Si ndodhi aksidenti 17/05 08:39
Një qytetar nga Vlora është shpallur në kërkim, pasi ka konstatuar se fotografuar votën. Mësohet se personi në fjalë Sh.Tare ka mundur të largohet nga qendra e votimit.
Rasti ka ndodhur në qendrën e votimit 4498 dhe ishin komisionerët e PD ata që njoftuan policinë.
Policia dhe Prokurori ka mbërritur në vendin e qendrës së votimit. Ky është rasti i gjashtë i incidentit të ndodhur në të gjithë vendin. Më parë janë konstatuar qytetarë që kanë fotografuar votën në Tiranë, Vlorë, Shkodër, Lunxhëri dhe Korçë.
Njoftimi
Më datë 25.04.2021, rreth orës 13:18, është marrë njoftim nga Komisioni i Qendës së Votimit Nr. 4498/1, e cila ndodhet në konviktin e shkollës Industriale “Pavarsia”, pasi nga anëtarët e Komisionit është konstatuar një shtetas që po fotografonte votën e tij.
Me vendimin Nr. 1 të datës 25.04.2021, të Qendrës së Votimit, është kërkuar ndihma e Policisë së Shtetit.
Pas marrjes së vendimit, shërbimet e Policisë së DVP Vlorë kanë hyrë brenda qendrës dhe nga kryerja e veprimeve të para, shtetasi Sh. T., pas rregjistrimit dhe marrjes së fletës së votimit, dyshohet se ka fotografuar votën e tij dhe ky veprim është parë nga anëtarët e Komisionit, por ka mundur të largohej nga qendra e votimit.
Shtetasit SH. T. i është bllokuar fleta e votimit dhe në vijim të veprimeve nga specialistët e Seksionit për Hetimin e Krimit Ekonomik dhe Financiar në DVP Vlorë u bë shpallja në kërkim policor e shtetasit Sh. T., 54 vjeç, për veprën penale “Shkelja e fshehtësisë së votës”.
Top Channel
