Qirinj dhe lule në vendin ku ndërroi jetë Pjerin Xhuvani (Video)
22/04/2021 10:32
I vihet lëndë plasëse një godinë në Kamëz, raportohet për dëme materiale 17/11 10:04
Pjerin Xhuvani u vra dje në lagjen 5 maji, në Elbasan, pas përplasjeje të armatosur mes mbështetësve të Partisë Socialiste dhe Partisë Demokratike.
Sot, një ditë më pas, në vendin ku humbi jetën Xhuvani, një banor i zonës vendos një lule dhe ndez një qiri për nder të tij.
Ngjarja e rëndë ndodhi vetëm 4 ditë para zgjedhjeve. Qyteti i Elbasanit ka pasur incidente të vazhdueshme gjatë kësaj fushate zgjedhore, duke përfshirë dhe përleshjet mes simpatizantëve socialistë dhe demokratë Ditën e Verës, në qendër të qytetit.
Dyshohet se plumbat që vranë Pjerin Xhuvanin janë lëshuar nga arma që mbante në dorë ish-polici i Renea-s, Arbër Papleka. Dëshmitarët në vendin e ngjarjes e kanë fotografuar atë më armë në dorë gjatë vrasjes.
Ndërkohë, nga kjo përplasje u plagosën 4 të tjerë, mes të cilëve dhe efektivja 28-vjeçare e policisë, Xhensila Sota.
Top Channel
