Nën hetim për thirrjet për bojkot/ Antiterrori merr në pyetje drejtuesen e një organizate
20/04/2021 16:03
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Një 50 vjeçare që prezantohet si presidente e ‘Lëvizjes pan shqiptare ” është marrë në pyetje nga antiterrori pas thirrjeve të saj për bojkot të zgjedhjeve të 25 prillit dhe shpërndarje të trakteve për këtë qëllim.
Sikurse bëjnë me dije burime të sigurta pranë prokurorisë , emri i Ermira Qerimit u referua në prokurori së bashku me deklaratën e saj të administruar nga antiterrori si dhe procesverbalet mbi këqyrjet në rrjetet sociale.
Sipas burimeve të TCH, Qerimi dëshmon se ka jetuar në Francë dhe Belgjikë dhe se organizatën që drejton e ka regjistruar pranë prefekturës në Paris. Si fillim gruaja nën hetim pohon se e ka pagëzuar Besëlidhja e Çamërisë dhe më pas nën emrin ‘Lëvizja politike panshqiptare Pellazgjia”.
Në 13 janar 2021 kërkesa për ta regjistruar këtë organizatë, është refuzuar nga gjykata me argumentin se përfshirja e fjalës politike shkakton paqartësi tek personat e tretë nëse ky subjekt është qendër apo parti politike. Si prova ndaj 50 vjeçares antiterrori i ka dorëzuar akuzës dhe traktet nën emrin Lëvizja politike panshqiptare Pellazgjia .
Top Channel
