Dhi siriane në Shqipëri/ Ferma me kafshët e rralla që erdhën nga Damasku
17/04/2021 21:35
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Kjo është stalla më e veçantë e dhenve në Shqipëri.
Dhitë e kësaj stalle janë sjellë nga Damasku i Sirisë. 6 vite më parë Rolandi dhe Olsi vendosën të ndërtonin një fermë në Bubq të Fushë Krujës.
“Të hapnim një fermë ishte mendim i kushëririt tim Olsit. Dhe tani merremi me gjënë tonë”, tha fermeri Rolan Allushi.
Përse vendose të merreshe me dhi?
Po dhia nuk është e egër si kafshë dhe këtu në vendi tonë pak dhi ka. Morëm dhi sirianë i sollëm nga Damsku i Sirisë. Lexuam në internet morëm informacione dhe morëm këtë.
Ku i bletë?
Në Greqi, si fillim morëm 200 kohë dhe sot kemi afërsisht 500. “
Sipas Rolandit kjo dhi është më e shëndetshme, dhe ka qumësht me vlera më të larta proteinike, se sa dhia autoktone shqiptare.
” Ka qumësht të rrallë dhe të veçantë më shumë proteina. Më 5 litra qumësht bën një kilogram djathë,ndërsa qumështi i dhisë tonë do 7-8 litra. Si racë nuk sëmuret do pak shërbime. Është e shëndetshme”, tha ai.
Kërkesat për qumështin e dhisë janë të larta, për këtë arsye ferma e dhive siriane do të zgjerohet.
” Ne shesim kecat dhe qumështin. Kapaciteti i fermës sonë është 700 kokë. Sigurisht që do ta rrisim pasi kemi shume kërkesa për qumësht.”
Top Channel
