Zhdukja e gjurmëve në celularin e 19-vjeçares shqiptare, avokati grek: Sikur e gëlltiti toka! Familja ka ngritur akuzë për vrasje

Pavarësisht përpjekjeve të shumta të familjes për ta gjetur dhe emisioneve të shumta kushtuar zhdukjes së saj, nuk ka ende shenja për vendin ku mund të ndodhet shqiptarja.

Nëna e saj raportohet se po përballet me probleme serioze psikologjike, pasi ajo ishte shumë afër vajzës së saj e cila është zhdukur. Avokati i familjes Stavros Georgiou, foli për protothema.gr, duke thënë:

“Nuk ka asnjë gjurmë që nga dita e zhdukjes së Artemisit. Sikur toka u hap dhe e gëlltiti këtë vajzë. Shumë gjëra janë eksploruar por nuk ka asnjë gjurmë të tyre. Familja u detyrua të ngrejë një akuzë për vrasje kundër rrëmbyesve. Në të njëjtën kohë, ne paraqitëm një kërkesë tek shefi i zyrës së prokurorit të shkallës së parë dhe kërkuam të adresojmë çështjen, vrasjen, e cila me përvojën dhe mjetet e saj sigurisht do të na ndihmojë të zbulojmë se çfarë mund të ketë ndodhur me 19-vjeçaren.”

Në raportin e tij me shumë faqe, Google shprehet se gjurmët e telefonit të saj celular dhe e gjithë historia e saj elektronike janë fshirë nga një zonë e veçantë. Para disa ditësh, Kriminologu i Krimit Kibernetik dhe Ekzaminuesi i Provave Dixhitale, Vassilios Georgopoulos, tha se ky proces nuk mund të bëhet nga gabimi i dikujt, por qëllimisht.

“Duket se personi që i fshiu ata dinte të eliminonte gjurmët elektronike të telefonit të saj celular”, tha ai në mënyrë karakteristike.

Familja, së bashku me avokatin, Stavros Georgiou, kërkuan një mendim ekspert mbi raportin e Google dhe caktuan Vassilios Georgopoulos si këshilltar teknik të tij. Ai do të ketë qasje në ekspertizën nga Prokuroria e Krimit Kibernetik. Georgiou theksoi se përveç padisë ekzistuese për rrëmbim, u ngrit edhe ajo e vrasjes.

“Ne zyrtarisht kërkuam, me kërkesën tonë drejtuar Prokurorit, që çështja jonë të hetohet nga Departamenti kompetent i Krimeve kundër Jetës së Sigurimit të Atikës.”

19-vjeçarja shqiptare, Artemis Vasili, e cila jetonte me familjen në Koropi të Greqisë është zhdukur pa lënë gjurmë. Informacioni i fundit që familja kishte për të ishte se ajo po shkonte në një intervistë pune në një dyqan lodrash. Disa dëshmitarë pretendojnë se ata e panë vajzën e re duke ecur në rrugët kryesore të Athinës në një gjendje të keqe psikologjike.

Top Channel