Ish kreu i Aviacionit Civil, Petrit Sulaj është shoqëruar mbrëmjen e djeshme në orën 22:00 në Policinë e Tiranës, pasi rezultoi se kishte kontakte me të ndaluarit në Rinas.
Ai u la i lirë pas disa orësh pyetje në policinë e Tiranës ku u mbajt i shoqëruar.
Sulaj sqaroi rrethanat e komunikimit me të ndaluarit sepse rezultonte të kishte komunikime me ta.
Petrit Sulaj ka pasur në whatsapp komunikim me përgjegjësen e tunit, Flora Fezga dhe kontrollorin, Muhin Mezini.
Përpara oficerëve të policisë gjyqësore ai ka thënë se ka qenë kundër bojkotit dhe ka mohuar ndikimin në vendimmarrjen e tyre për bojkot të punës.
Prokuroria e Tiranës vijon hetimet dhe në policinë e Tiranës pritet të ketë shoqërime të tjera, të personave që kanë pasur kontakte me të ndaluarit ditët e fundit.
Pjesa më e madhe e kontrollorëve që u shoqëruar kanë dorëzuar pranë AlbControl kërkesat për rikthimin në pune, pra në detyrën e kontrollorëve të trafikut ajror në Aeroportin e Rinasit.
Top Channel
