Zv presidentja kërcënon me atentat presidentin, ‘nëse asaj i ndodh diçka’ (fotot) 23/11 17:21
Një grykëdalje e re llave dhe avulli është hapur dje pranë vullkanit islandez që shpërtheu muajin e kaluar, e cila ka shtuar pasigurinë dhe frikën për sjelljen e tij të mundshme, duke nisur evakuimin e qindra spektatorëve që kishin ardhur për panoramën e zjarrtë.
Gryka e re llavë-derdhëse e vullkanit u pikas dje rreth 500 metra larg asaj origjinale në malin Fagradalsfjall në luginën Geldinga.
Departamenti vendas i emergjencës nisi evakuimin e menjëhershëm të zonës, edhe pse tha se nuk ka rrezik të menjëhershëm për jetën prej distancës nga rrugët tradicionale të shetitjeve.
Vullkani i fjetur prej shekujsh në gadishullin Reykjanes u ringjall më 20 mars pas dhjetra mijëra dridhjeve të tokës të regjistruara në zonë.
Afërsia e vullkanit me kryeqytetin Reykjavík, rreth 32km si dhe shpërthimi relativisht jo-agresiv, ka bërë që mijëra njerëz dhe turistë të vërshojnë drejt tij megjithë kufizimet e koronavirusit në vend.
Top Channel
